39 мектеп Атырау

ОЛАР БІЗДІҢ БАТЫРЛАР🌹 Ұлы Отан соғысы жылдарында Гурьев (Атырау) облысынан 42 мыңнан астам адам майданға аттанды. Ресми мәліметтерге сүйенсек, 13 000-нан астам жауынгер қайта оралмаған. Олар шайқас даласында, концлагерьлерде қаза болған немесе әлі күнге дейін хабар-ошарсыз кеткендердің қатарында. Біздің облысымыздан шыққан соғыс батырлары елдің жоғары марапатына – Кеңес Одағының Батыры атағына ие болған. Олар Хиуаз ДОСПАЕВА, Қайырғали СМАҒҰЛОВ, Боран НЫСАНБАЕВ, Мұқат МҰСАЕВ, Иван МАХОРИН, Александр АФАНАСЬЕВ, Шүкір ЕРКІНОВ. Ешкім де ұмытылмайды, ешнәрсе де ұмытылмақ емес! #ҰлыЖеңіс78жыл #ЖасҰланұйымы #МартаКанатова Жалпы білім беретін №39 орта мектебінде 7 мамыр-Отан қорғаушылар күні мен 9 мамыр-Ұлы Жеңістің 78 жылдығына орай «Ер-ел қорғаны» тақырыбында мерекелік шара және «Өрле, Қазақстан» патриоттық әндер кеші өткізілді. ​Мақсаты: Ізгілікке тәрбиелеу. Ардагерлердің ерліктерін ұрпаққа дәріптеу, елін, жерін қорғауға, бейбіт өмірді бағалауға үйрету. Мектеп басшысы А.Олжағалиқызы ер азамат ұстаздарымызды құттықтап, кәсіподақ ұйымы атынан сыйлықтар табысталды. Ер азамат ұстаздарымызға арналған шарамызда бастауыш сынып оқушылары патриоттық әндерімен, жоғары сынып оқушылары өз өнерлерін көрсетті. Ұйымдастырушылар: ДТІЖО, педагог ұйымдастырушы, мектеп тәлімгері. Отан бағытының көшбасшысы: 9 Г сынып оқушысы Утегенқызы Ақбота. #МартаКанатова #7мамырОтанҚорғаушыларКүні #9мамырҰлыЖеңіс78жыл Жалпы білім беретін №39 орта мектебінің «Жас Ұлан» ұйымы Салауат бағыты бойынша «Екі жұлдыз» отбасылық ән байқауы өткізілді. Мақсаты: Оқушылардың әнге деген қызығушылығын арттыру, әншілік қабілетін, актерлік өнерін сынау. Өнерге бір табан жақындату.Байқауымызға мектебіміздің 5 «в», 5 «д», 5 «з», 6 «а», 6 «ғ» сынып оқушылары ата-аналарымен сайысқа қатысты және мектептің өнерлі оқушылары өз өнерлерін көрсетті. Сайыс соңында әділқазы шешімі бойынша Молдашевтар отбасы бас жүлде, 1 орын Утаровтар, 2 орын Қабекешовтар, 3 орын Аманқалдық, 3орын Сабыржанұлы отбасылары дипломдармен марапатталды. Марапаттау рәсімін мектеп директоры Айман Олжағалиқызы табыстады. Ұйымдастырушылар: педагог ұйымдастырушы және мектеп тәлімгері. Салауат бағытының көшбасшысы Утегенқызы Ақбота. #МартаКанатова #салауатбағыты #салауатЖасҰланАтырау #salauatzhasulanatyrau Жалпы білім беретін N 39 орта мектебінде «Оқуға құштар мектеп» жобасы бойынша педагог ұйымдастырушы Айтолқын Қуанышқызы мен кітапханашы Анар Серікбайқызы бірлесе отырып, 4 сыныптарға «Жақсы сөз-жанға қуат» тақырыбында шара өткізді. Мақсаты: оқушыларды кітап оқуға баулу, білім кітап арқылы берілетіндігін ұғындыру,сөздік қорын дамыту.Оқушылар Абайдың қара сөздерін мәнерлеп оқыды.QR -код арқылы керекті кітапты оқуға мүмкіндік барын түсінді. Жалпы білім беретін N 39 орта мектебінде 7,8,9 сынып оқушылары мен ата -аналарына ата-ана мен бала арасындағы қарым-қатынасы,отбасы тәрбиесіндегі сауаттылығын арттыру мақсатында педагог-ұйымдастырушы Айтолқын Қуанышқызы мен әлеуметтік педагог Анар Серікбайқызының ұйымдастыруымен «Отбасы-алтын діңгегім» тақырыбында дөңгелек үстел болып өтті. Ата-аналар өз пікірлерін білдіріп, отбасы,бала тәрбиесіндегі ойларын ортаға салды. Мектеп психологы Зульфия Сәкенқызы отбасындағы қарым-қатынасты нығайтуға өзара түсінушілікте ата-аналар мен балаларға қолдау көмек көрсету мақсатында «Біз біргеміз!» тренингін, Анар Серікбайқызы қиындықтан шығу дағдыларын қалыптастыруда «Айналма» жаттығуын өткізді. Ата-аналар пікірлерін ортаға салып, Айтолқын Қуанышқызы отбасы тәрбиесінің кілті-отбасының өмір тіршілігіне байланысты деп қорытындылады.