🇰🇿Оқушыларға Қазақстан Республикасының тарихын, мемлекетіміздің даму жолындағы маңызды кезеңдерін таныстыру, отансүйгіштік қасиеттерін арттыру және елдің болашағына деген сенімін күшейту мақсатында 8 «Б» сыныбында Республика күніне арналған сынып сағаты өткізілді. Сабақ барысында Қазақстанның тәуелсіздік алу тарихы, еліміздің саяси, әлеуметтік және мәдени жетістіктері жайлы айтылды. Оқушыларға Республика күнінің маңыздылығы мен оның еліміздің дамуы үшін рөлі түсіндірілді. Сабақта тарихи оқиғаларға шолу жасалып, Қазақстанның дамуындағы маңызды тұлғалар жайлы айтылды. Сонымен қатар, оқушылардың белсенді қатысуымен топтық талқылаулар өткізіліп, Республика күніне арналған викторина, жасанды интеллект тапсырмаларымен мақалды табу тапсырмалары ұйымдастырылды. Сабақ соңында оқушылар Қазақстанның тәуелсіздігі мен Республика күніне қатысты өз пікірлерін білдіріп, ел болашағына деген сенімдерін көрсетті. Сабақтың негізгі мақсаты орындалды: оқушыларда елге деген сүйіспеншілік, патриоттық сезімдер нығайды. #Біртұтастәрбие #сыныпжетекшіатырау #atyrautarbie